山歌 - 第 7 页/共 8 页

［鼠］　 　　同郎困到一更天。老虫哥再来帐外数铜钱。小阿姐儿吃个听弗过了捉个情郎一脚踢觉子。你个困猫团那了只贪眠。　 　　（卷六咏物四句） ●山歌卷七（私情杂体） ○笃痒（中带说白一句） 姐儿笃痒无药医，跑到东边跑到西，梅香道姐儿拾了弗烧杓热汤来豁豁，姐道梅香呀，你是晓得个，热汤只豁得外头皮。此哥闻之松江傅四，傅亦名姝也，松人谓阴为笃。 ○田鸡（中带急口四句） 百样鸟儿百样声，只有青花样个田鸡叫得忒分明，半夜三更跳来小阿奴奴南纱窗前荷花缸根头，金丝荷叶上，高叫三声，低叫三声，说道阁来呵，阁来呵，再搿搿，再搿搿，叫得小阿奴奴小肚子底下膝馒头上的手掌大介一搭，痛弗痛，痒勿痒，好像杨六使将军征子九溪南蛮十八洞，得胜回朝系在绿杨树底下个匹红鬃白马个鼻头歇歇里介动，又像个隔年破伞水淋淋。 ○上桥（急口八句） 郎上桥，姐上桥，风吹裙带缠郎腰，好个阵头弗落得雨，青天龙挂惹人膘，惹人膘，惹人膘，小阿姐儿再来红罗帐里造仙桥，若有村东头，村西头，南北两横头，二十後生边垂头，肯来小阿奴奴仙桥上过，怕郎君落水抱郎腰。 ○摆祠堂（以下俱八句） 万苦千辛结识子个郎，我郎君命短见阎王，爹娘面前弗敢带重孝，短短头梳袖里藏，袖里藏，袖里藏，再来检妆里面摆祠堂，几遍梳头几遍哭，只见祠堂弗见郎。 ○借个星（个星，吴语，犹云这仲东西也。） 郎听姐儿借个星，半个时晨弗做声，白绢汗衫掩子嘴唇迷迷里介笑，线札羊毛笔定成，必定成，必定成，待奴奴归去禀娘声，娘道囝儿呀，看子我老来无人要，你後生家及早做人情。 好个令堂，与一卷二十去子廿一来只同意。 ○吃樱桃 日落西山影弗高，姐担子竹榜打樱桃，打子四九三十六个樱桃安来红篮里，要郎君摸奶吃樱桃，吃樱桃，话樱桃，嫌奴奴拉闸手鏖糟，小阿奴奴金盆洗子银盆里过，白罗帕子转三遭。 摹写郎骄姐诌可笑可憎。 ○船艄婆 船艄里打铺船舱里齐，船稍婆一夜忒顽皮，吃个船舱里客人听得子，朝晨头侪对子我笑嘻嘻，笑嘻嘻，笑嘻嘻，亏你昨夜冉阝忍得到晓鸡啼，小阿奴奴私房本事侪吃你听会子去，只怕你搭家婆到弗得我介会顽皮。 ○约（以下中犯皂罗袍四句） 栀子花开心里香，情哥郎约我到秋凉，梧叶乱，桂花又香更更做梦，Ａ１Ａ１思量，姐道郎呀，你有口无心没许子我，教奴奴冉阝得介慢心肠。 ○咒骂 我情郎一去好希奇，轻夏过秋再弗归，当初来往是谁请你，如今撇我，被人说是讲非，姐道郎呀，个样事对人前说弗得也有天知道，我只顾夜夜烧香咒骂渠。 ○敲门 拔只金簪在门上丢丢里介敲，姐儿连忙下地把灯挑，夜深人静，谁人乱敲，开门去看，呀，原来是旧交，姐道郎呀，七月七个夜头你来得正凑子个巧，省得小阿奴奴镬子里无油空自熬。 ○後庭心 姐儿生来身小眼即伶，吃郎推倒在後庭心，硬郎不过，只得顺情，被人看见，坏奴好名，姐道郎呀，我好像黄砂石上磨刀只要快，你生萝葡到口豁声能。 ○又 姐儿生来身小眼即伶，吃郎推倒後庭心，硬郎不过，只得顺情，霎时上叉，把好听的叫声，郎道姐儿呀，果子树上参梯终须到子我个手，鼓当中元宝只要瞒子大大银。 ○钉鬼门 私情起意未会会，咦有闲人搬来我里个听，并无形迹，由他讲论，虽然不信，钉奴鬼门，好像卵袋打人头弗痛，子细思量激恼人。 ○小囡儿 新做墙门黑枪篱，篱篱里面有介个小囝儿，天灾神祸，张做甚的，吃娘看见，一场是非，姐道郎呀，你好像折脚鹭丝躲在滩上，眼看子鲜鱼忍肚饥。一云，郎做子鹭纱云头上飞，姐做子参鱼水面上齐，郎道姐呀，我吃个打生舡上人多落弗得个脚，眼看鲜鱼忍肚饥。 ○老阿姐 老阿姐儿去寻人，寻来寻去寻着子一个小官人，千方百计骗他动情，脱裙解裤，抱他上身，姐道郎呀，好像冷水里洗疮杀弗得我个痒，月亮里灯笼空挂明。 ○操琴 姐在房中织白绫，郎来窗外手操琴，琴声嘹亮，停梭便听，一弹再鼓，教人动情，姐道郎呀，小阿奴奴好像七弦琴上生丝线要我郎君怀抱作娇声。 ○绰板 姐儿生来像个绰板能，逢着子我郎君会绰了就紧随身，做腔做调，忒杀好听，要紧要慢，随意称心，姐道郎呀，我取你个多记腰板生成点得好，你只没要打差子个迎头截板教我冷清清。 ○象棋 结识私情像象棋，棋逢敌手费心机，渠用当头石炮，我有士象支持，渠用卒儿Ａ２进，我个马会邪移，姐道郎呀，你摊出子将军头要捉我做个塞杀将，小阿奴奴也有个踏车形势两逼车。 ○黄瓜 黄瓜生来像姐儿，只为你聪脆清香括扌暴子渠，一碟两碟，千丝万丝，蒜来伴你，想是爱吃醋的，姐道郎呀，吃你一连几括直括到小阿奴奴子宫里，如今水流流软倒做一堆。 ○锯子 结识私情好像锯子能，来来往往忒殷勤，两人把手线路上行，伶牙俐齿，背後半绳，姐道郎呀，腰里着霎舍了能紧俏，你没要进门便屑子了就行程。 寂寞（中犯皂罗袍五句） 昨夜郎来热了介忙，今夜无郎冷了介慌，千恩万爱，思量几场孤灯只影，凄凉满床，阳台梦杳魂飘荡，姐道郎呀，褥子上番身无席摸，千条锦被弗如郎。 ●山歌卷八（私情长歌） ○丢砖头（以下俱兼说白） 丢砖头了搬了场，弗会听我情哥说一声，我冉阝间羹汤篮提子个糠虾来里眼泪出，升箩里坐子蚕细思量，（白）细思量，细思量，我里个情哥是个铁心肠，我搬来里子一个月日，你也弗直得来看看张张，料道弗离个苏松常镇卢凤淮扬，亻奢个来个铜关口外，还处他方，你弗见我又结识子别个依先快活，正弗知我歇歇思量，（歌）正是莲蓬梗打人拚子私情断，我是砻糠里犀刂鱼Ａ６肚肠。 ○田 姐儿私房有个丘三角田，白小收拾在身边，忽朝一日无钱用，将田要典我郎钱，（白）郎道姐儿呀，我有个钱，典你个田，要还我四址明白，里连牵，姐道郎呀，我有个田，典你个钱，自然还你四址明白，里连牵，东址白膀湾，西址大腿边，南址三叉路口，北址肚家门前，又好插个光头糯，又好种个硬梗鲜，（歌）我个郎呀，你要日里拔秧夜里莳，凭你荒年没荒子奴个丘田。 ○船 昨夜同郎做头眠，乾红兰子合腮肩，四只膀儿好像鳗鲤叉，橹人正对子填脐边，（白）填脐边，填脐边，妆子橹掣便摇船，推个推来扳个扳，掀铃吭郎浪头颠，颠得饭潭眼里侪是水，利市头上弗会乾，打湿了一领踪蓑衣犹自可，袱包正挂在极堂前，（歌）郎道姐儿呀，我替你前长後短个样事务尽丢开子手，且拔起子枚头抹乾净个子只船。 ○木梳 结识私情好像木梳能，我侬枉子听你介相思结发情，（白）吃个镜子来里做眼，编{臣}着弗得个蓬尘，牙刷子只等你开口，绊头带来里缱筋，眉刷弗住介掠来掠去，刮舌又介掀嘴撩唇，朗梳斜连霹脚後跟赶上，剔帚来得殷勤，（歌）姐道郎呀，我听你一通两通也只是空来往，到弗如肥皂光光滚着子身。 ○蒸笼 结识私情像蒸笼，要我肉面相逢弗放空，因为你会安排落来你个圈夺里，未会动火气冲冲，（白）气冲冲，气冲冲，思思切切在心中，我为你受子几呵头头脑脑尽阁在肚里，长长短短侪听你包容，我会经九蒸三弗是一窍弗通，你人门前捉我团团搦搦，我并弗会恨穷，弄得我肚里有酿，我也只弗走风，那你常时在我面上淘气做身扌赖分，馒头倒大子蒸笼，思量更介弗好，到弗如傍热拆散子罢。省得後来冷气直冲，（歌）姐道郎呀，我只指望你火气退时依还听你重相聚，得知後来原哄得我精空。 ○钻子 郎儿生来好像钻子一般般，吃渠拿个软麻绳缠住子了弗放宽，上箍下箍箍紧子我，你自家快活没拨来别人钻，（白）别人钻，别人钻，我郎消遣子我介两三番，和身靠紧我来用力，一双眼睛弗住介捉我来关关，你个心上测得火着，我倒有气无烟，冉阝便用<角力>把力，再歇歇便四手乘瘫，（歌）姐道我郎呀，消进消出，吃你尖酸头弄大子我个眼，两人绞热子了屑来孔门边。 ○求老公（兼说白，结用皂罗袍三句。） 来个姐儿上穿青，下穿红，手拿香盒过桥东，路上行人问道，姐儿你在里去，我到处烧香求老公，（白）别人爱嫁个老公七伶俐，八玲珑，又长又大又充同，偏有小阿奴奴年灾月悔，命犯孤穷，着子介个乌龟亡八，生得又麻又瞎又痴又聋，上床好似背板纤，下床好似鸡踏雄，昨夜一更後，二更中爬来小阿奴奴头边来学打雄，髭须扌蜀子奴个嘴，鼻涕流来累子奴个胸，惹得小阿奴奴心性发，一脚踢倒在里床东，（歌）只有五更头小阿奴奴熬弗得，捉渠仝装只一摸，好似烟熏萝卜火烧葱，（皂罗袍）这般模样，教我怎么容，因此别寻一个好家公。 ○竹夫人（兼说白，中犯排歌三句。） 做人弗要像个竹夫人，受只多炎凉自在心，硬子骨头开子眼，看我人情势败像秋云，（白）像秋云，像秋云，小阿奴奴原弗是低微下贱人，你只知我今日个落运，弗如我当初个出身，乔松是我前辈，梅花是我随身，清风是我好友，明月是我佳宝，当初个伯夷叔齐也是我里还祖，湘妃是我里至亲，且喜子孙繁盛，历代有介星清名，有人喜欢我个高筛，也有人赏鉴我个知音，弗匡撞子个恶作笺，拖出山林，捉我出皮剔骨，我只是开心见诚，捏得我两头弗露，做得我出路无门，露出子多少眼目，又陪子两个小心，挑我来十字街头东卖也弗要，西卖也弗成，弗识货个见子我七孔八穷一个光棍，识货个见子我玲玲珑珑一个凉人，增钱买我家去，放我来红纱帐子里安身，搿恩恩爱爱，勾子我殷殷勤勤，搿子我汗弗离身，勾子我手弗离身，勾子我手弗离项，指望百年同到老，道七月七立秋之日，风波当时起，恶念容易兴，娘子官人咦道我彭脚绊手，丫头阿姐咦咒我离眼别睛，横弗中渠个意，竖弗像渠个心，一射射我来门阁落里，累子我满身个蓬尘，我吃个伤心了唱介两句曲子，自家叹个自身，（排歌）亏心汉薄，幸人，谁知转眼就无情，（歌）世上弗是有子秋冬无春夏，你搭个起得时人休笑我失时人。 ○汤婆子竹夫人相骂（以下俱曲白间用） 姐儿馒团<门贝>垃像汤婆，人门前稳重又温和，未到黄昏捉我扌匍了摸，拿我肚皮常滚得我急箍箍，（白）急箍箍，急箍箍，情哥郎派扌赖忒无徒，当初拿子小阿奴奴好似珍珠玛瑙，活宝珊瑚，道是我热闸闸介有趣，暖烘烘介对科，弗比薰笼介碍事，又强如火炭个脚炉，被里时常相会，席上弗住介揩磨，我指望搭你无个分开日脚，得知立子春来看看捉我冷疏，丢踏板上理也弗理，瞧也理弗瞧，一夜子搭个家主婆困在床上，说道会，冉阝了你弗欢喜子个汤家里个，再说道渠个年纪忒多，汤婆听得，眼泪直铺，官人呀，（黄莺儿）名色号汤婆，戊戌生，年不多，汤家还是我的亲生父，我只为热心肠似火，俏冤家爱我，苦怜我被窝中准夜如扌牵磨，一脚就碾开奴，到如今轻风露水，你心上道如何，（白）说郎弗转，自跌个胸脯，恨我里个爷娘弄得我一点无个还覆，枉子你也来我个面上废子多少工夫，我冉阝间拨来别人介轻贱，算来长情倒弗如酒注茶壶，（歌）姐道郎呀，寒寒冷冷护子你多少脚，冉阝间倒捉个竹夫人做子小家婆，竹夫人听得子气膨膨，出口就骂老惜春，你是冬来我是夏，缘何牵扰阿娘身，（白）阿娘身，阿娘身，惯要来个人前说别人，几次人前说我懒朴要困，个是家主公欢喜我个风情，你未到黄昏就叛来个被里，我看你亻奢上头个点动紧，汤婆子说道，亏你羞也弗识，自道风情，我看你精赤洒洒，无介点趣向，弗如个老太婆包包扎扎有介两件衣身竹夫人说道杨梅乾吃介两个，忒煞恶心，包包扎扎便是布头布脑，有要绿袄红裙，吃个张官人要落你个意利好像汁罐，吃个李大舍说你个气质就似汤瓶，汤婆子面一啐，你好像灯台弗照自身，我近看子你活像个炭个嘴脸，我还看子你好似蟹簖个戎形，阁子家主公多少个毛腿，听子家主婆几呵个风声，竹夫人便说道我强如你吞个家主婆个双臭脚，强如你做个家主公帮丁，我生来眼目清爽，肚里一点小心，短弗局促，长弗伶仃，壮弗擂堆，瘦弗薄轻，汤婆子说道，我骨格重你两两，我价色多是你十分，凭你说我悭吝，强如你笺片个妖精，两个相争斗殴，搂子一个黄昏，道是个家主婆听得，喝骂高声，一个无介点大小，一个弗让介点卑尊，两个侪跪来搭，直到更尽夜深，汤婆子对子个竹夫人纽嘴纽面，竹夫人就说起前因，（黄莺儿）想起旧恩情，竹夫人，浪得名，虽与他同床不得，同衾枕，搂抱我在身，心儿里感承谁知不久成孤另，悔初心，只为趋炎附势，如今落得冷清清，（白）道是个家主公听得，竹夫人说得伤心，（歌）家主公喝子竹夫人起来，你下遭再弗许你个样劈竹性，汤婆子，你弗许你热绰绰乱搂要温存。 ○笼灯 姐儿生来像笼灯，有量情哥捉我寻，因为偷光犯子个事，後来忒底坏奴名，（白）坏奴名，坏奴名，阿奴细说我郎君，你正日介来张头望项，眼看奴身，你道是我短又弗局蹴，长又弗伶仃，因是更了我听你有子个情意，一日子月黑夜暗扌桀子我就奔，也弗管三更半夜，也弗管雨落天阴，也弗管地下个沟荡，挨过子多少个巷门，也弗管个更铺里个夜夫，也弗怕路上撞着子个巡兵，金锣一响，吓得我冷汗淋身，一到到子屋里，我方才得个放心，道是伴得你年把也弗上，你就要弃旧恋新，屈来里说起，撞你介个贼精，郎道你弗要辞劳叹苦，懊悔连声，你当初白白净净，紫气胜胜，你冉阝间浑身好像个油篓，满面拦子个灰尘，人门前全勿骜好，头上箍子介条草绳，夜里只好拿你来应急趟趟，日里斡耍个正经，还有介多呵弗好，我一发说来你听听，（打枣歌）怕只怕你火性儿时常不定，照了前又照子後不顾自身，一身破损通风信，长与别人好，又与小人跟，转一个湾儿我这里见你的影，（白）姐儿面介一啐，就骂个负义薄情，你当初淬得火着介要我，一夜弗放我离身，我也弗知光辉子你多少，也弗知替你瞒子几呵个风声，你只厌我眼前个腌润，弗念我起初个鲜明，（歌）你捉我提得起来放得下，我只搂得你灶前火烛无一星。 ○老鼠 郎儿生得好像老鼠一般般，夜里出去偷情日里闲，未到黄昏出来张了看，但等无人只一钻，（白）只一钻，只一钻，阿奴欢喜小尖酸，来去身松快便，两只眼睛谷碌碌会看会观，听得人声一躲，火光背後就缩做子一团，能会巴檐上屋，又会掾柱爬梁，也弗怕铜墙铁壁，也弗怕户闭门关，也弗怕竹签笆隔，也弗怕直楞窗盘，一夜子钻进子我个屋里，走到子我个房前，扯着子个房帘上金铃索声能介一响，吓得我冷汗直钻，我里个阿爹慌忙咳嗽，我里个阿娘口里开谈，便话道阿囝耍响，我明明里晓得你臭贼，做势困着弗敢开言，个个臭贼当时使一个讦较，立地就用一个机关，口里谷谷声做介两声婆鸡叫活像，连连声声数介两声铜钱，我里应，明朝早些起来求介一条灵签，我里臭贼听得子一发胆大，连忙对子我被里一钻，就要搭小阿奴奴不三不四不四不三，一张嘴好似石块，一双脚好像冰团，（黄莺儿）两脚像冰团，被窝中快快钻，偷油手段把偷香按，虽然未安，得欢且欢只愁五个更儿短，嘱付俏心肝，他老人家醒困，须是悄悄好遮瞒，（歌）姐道我郎呀，你没要爬爬懒懒介趁意利，惊动我里门角落里困猫团。 一云，结识私情像老鼠一般般，未到黄昏各处去钻，倚墙<门壹>壁，转过画栏，穿窗入户，到奴枕旁，奴的东西被你长偷惯，姐道老鼠阿哥呀，今後要来须是轻脚轻手介走，没要吓觉我困里猫团，意略同。 ○困弗着 姐儿困弗着好心焦，思量子我里个情哥只捉脚来跳，好像漏湿子个文书失约子我，冷锅里筛油测测里熬，（白）测测里熬，测测里熬，姐儿口骂杀千刀，我蓦傅教寄信来叫你，你蓦好像个讨冷债个能介有多呵今日了明朝，（皂罗袍）堪叹薄情难料，把佳期做了流水萍飘，柳丝暗结玉肌消，落红惹得朱颜恼，情牵意挂，山长水遥，月明古驿，东风画桥，冉阝人何事还不到，（白）姐儿气子介一气，噎漫漫眼泪介双抛，只见灯花连报，喜鹊连连又叫子介多遭，姐儿正在疑惑，只听得窗外门敲，小阿奴奴连忙赶搭出去，来窗眼里张着子个臭贼了便胆丧了魂消，我便开弗及个门闩，拔弗及个门销，渠再一走走进子个大门，对子房里一跪，就来动手动脚扌桀住子我个横腰，我便做势介一个苦毒假意介个心焦，（桂南枝）黄昏静悄，我把被儿来薰了，看看等到月上花梢，查冥冥全无消耗，听残更漏鼓，冉阝时你方才来到，我把脸儿变了，他跪在床前告，我假意焦，恨不得咬定牙，只是忍不住笑，（白）郎说道姐儿，我弗是恋新弃旧，只是路远山遥，今夜我来迟失信望你宽洪姐姐饶饶，姐儿双手扶郎起来，你弗要支花野味了唠叨，（歌）姐道我郎呀，好像一脚踢开子个绣球丢落子个气，做介个脱衣势子听你跌三交。 ○歪缠 姐儿生来眼睛鲜，弗知趣後生死命歪思缠，镜子里相逢只怕难着肉，笼糠绞索要绳难，（白）要绳难，要绳难，姐听後生说一番，你无些事干，耍了在个条街上跳灶王个能介奔来奔去，我看你淡滋滋耍了常坐在我里门前，我自有正经搭别人说话，再不要你接口传言，小男儿哭我自然会抱，要你进来搿搿坐坐，一味里支花野味，我看你手里无介半个铜钱，你常摸进来搭我挨肩擦背，你常时捉我拽拽布衫，我匡备道要听你苦毒跋舌，我也算後思前，我苦听你扯破子个面皮，你就要从头至尾捉我来牵扳，我虽无亻奢篷尘落在你眼里，你搭个起男人爱，好弗会生事造言，我只得耐子戎气，足足里吃你浪搭子介一年，一日姐儿立在大门口，瞟个菜蔬过去，只见钓鱼个走到面前肩头上背子鱼笼，腰里插子个钓竿，左手提子介一{拐}，右手拿子介一篮，姐儿便问个钓鱼个，亻奢鱼来呵，钓鱼个口娘子连连，拐里尽是宿鲫，篮里尽是鳗鲤鳅鳝，我落色不要，鲫鱼要多少铜钱，娘子，银子二分半白脸，铜钱要廿七个黄边，正来里说价钱弗了，後生看见鼻搭嘴踵赶到门前，劈手一夺拿个鳝里播播，提个篮里颠颠，阿呀，个个活跳，真个新鲜，煮起来好吃，煎起来又介鲜甜，我看见渠弗见介惹气，钉子渠两个眼拳，我也无介气力听渠叉嘴，自听卖鱼个开言渔翁，你那了做介生意，一日进多少铜钱，娘子呀，大个弗肯上钓，小个弗肯上前，大个卖来将就买点柴米，小个只好换些油盐，姐儿就拿钓鱼个来借名签字，拿个後生来说介一番，（打枣歌）我笑你钓鱼人本是个痴心汉，枉终朝在河边手执着钓竿，那鱼儿上你钓也要两相情愿，上了你的钓心儿上便喜，倘若不上你的钓你也枉徒然，只怕你想断了肝肠也，看破了这双眼，（歌）只怕你立到夜饿到黑，冉阝得个花嘴了师到嘴边，後生见话气膨膨，将言几句答娇娘，你没要欺瞒钓鱼汉，钓鱼里出贤良，韩信钓鱼寄食漂母，後来筑坛拜将对子齐王，姜太公钓鱼寿年八十得过子文王，扶持周朝天下，至今春秋二祭风光，韩子陵钓鱼撞着东海里龙王，一留留进龙宫海藏，镇日吟诗作赋饮宴，得知三宫主欢喜子，搭渠水晶宫里匹配鸾凰，姐儿说道后生家里学搭来油嘴，满口尽是荒唐，羞太公韩住三岁男儿晓得，从来弗听得严子陵搭三宫主匹配鸾凤，一味里尽是嚼蛆乱降，拿个肯来一赏，你且去介去介，猪有猪圈，羊有羊棚，後生无些样当，弗见更个面光，欲要回言两声无点起因发角，回转头来看见子卖草纸个後生，就叫卖草纸个，你阿有萧山，阿有富阳，卖草纸个说无得，一头便是包扎，一头便是薄光，冉阝卖，包扎要二分个雪去，薄光要八厘冰王，咦弗要介多呵，包扎十个嘉靖，薄光半分冰王，卖草纸个拿个扁担一嘱，看看後生，冉阝了介还得介能贱，个又要强，你只好看看，弗能个到手，没要思量，後生听得子个两句说话，火星就爆出子个太阳，夹嘴两击，就是一个巴掌，借名签字，数说娇娘，（打枣歌）卖草纸的人，你本是狗娘养，卖不卖肯不肯由你做主张，缘何到把人冲撞你这样稀烂的纸，不知我也用过了许多张，你不卖与区区也，区区也不想，（歌）你个样烂贱个东西方便门里去，后来弄得粉碎臭朋朋。 ●山歌卷九（杂咏长歌） ○陈妈妈（以下俱曲白间用） 陈家妈妈有人缘，风月场中走子几呵年，（白）小阿奴奴名头虽然人尽晓得，只弗知我起先个族谱相传，我出身元是湖州个大细，当初跟随子识女天仙，弗匡道沉埋，得我更个凌替，吃个姐儿扯到身边，淹流到那间个时节，弄得我忒弗新鲜，我先前是红娘子结亲时挂歇个星锦帐，又是绿衣郎登科时穿旧个星蓝衫，到如今再捉我做子被头里个抹布，常搭我风流所在去缠绵，湿时节好像海蜇个风味，乾时节像荷叶样个蓝班，绉瞒瞒像厨司公汤碗里个紫菜，腌达达咦像湖广客人盐酱筒里烂丢丢个星鱼乾，撞着子新做亲介星顽皮精姐姐，日夜捉我搭来拈弄，遇着子私窠子会搂打个星娘娘，也弗住介累得我腥膻，壮罗多，油碌碌，新出笼馒头能个样物事，在上游了游，到有星滋味，骨棱层，瘦乖乖，霍在肉上个样东西在上缴了缴，再惹得我介兹腌，有介骚离离掀格腊个样寡妇，时常捉我扌老扌老，又有个极妖娆最风趣个样尼姑，尽捉我来牵牵，黑松林底下我弗知看子若干个光景，肚家场当中也吃我游玩得子介千千，玉门关上周回四遭替渠个巡哨，毛将军玉柱上头下头也替渠着根介周旋，双膀弯里我常常在搭风流飘荡，笼须席底下也吃我困得介安闲，个星轻薄後生见面弗得介捉我取笑，我笑渠无我了你湿搭搭冉阝得介安眠，独吃湖州亲眷常来替我合嘴，亏杀子汤家姐姐替我合得人缘，冉阝间我里情哥赠我介只曲子，你侬替我唱搭去宣宣，（皂罗袍）妈妈从来堪羡，伴佳人才子暮寝朝眠，任他结下好姻缘，遇咱才卸得相思担，色非红紫，香非麝阑，合欢帐里，鸳鸯枕边，论功劳咱是个亲篾片，（歌）我吃个淹润着人了还子多少风流债，雨散云收做一团。 ○门神 结识私情像门神，恋新弃旧忒忘情，（白）记得去年大年三十夜，捉我千刷万刷，刷得我心悦诚服，千嘱万嘱，嘱得我一板个正经，我虽然图你糊口之计，你也敬得我介如神，我只望替你同家日活，撑立个门庭，有介一起轻薄後生捉我摸手摸脚，我只是声色弗动，并弗容介个闲神野鬼，上你搭个大门，我为你受子许多个烹风露水，带月披星，看破子几呵个檐头贼智，听得子几呵个壁缝里个风声，你当先见我颜色新鲜冉阝亨介喝彩，装扮得花噪加倍介奉承，冉阝间帖得筋皮力尽，磨得我头鬓蓬尘，弗上一年个光景，只思量别恋个新人，你看我弗像个士女，我也道是你弗是个善人，就要捻我出去，弗匡你起介一片个毒心，遇着介个残冬腊月，一刻也弗容我留停，你拿个冷水来泼我个身上，我还道是你取笑，拿个筅帚来支我，我也只弗做声，扯破子我个衣裳只是忍耐，扌赖破子我个面孔方才道是你认真，我吃你刮又刮得介测赖，铲又铲得介尽情，屈来，我吃你介场玖刮了去介，你做人忒弗长情，我有介只曲子在里到唱来你听听，（玉胞肚）君心忒忍，恋新人浑忘旧人，想旧人昔日会新，料新人未必常渐，人有日变初心，追悔当初弃旧人，（歌）姐道我个郎呀，冉阝间我看你搭大门前个前船就是後船眼，算来只好一年新。 ○鞋子 姐儿生来鞋子能，身上花苗颜色精，吃个搭袜缠个情，郎看见子我，整日在面前引了引，（白）引了引，引了引，一日里上子我大门，渠见子我迷花笑眼，我听渠说话也到知音，惊我松江尤墩衬里，外盖绸段簇新，爱我口儿紧括，喜我浅面低跟，又弗比靴头样绕嘴绕脸，又弗像急棚棚个样河豚，也弗论价钱多少，开子银包便称，当时成子交易，对合着袋子了就奔，一走走到半路，我自家肚里踌论，看子後生十分像意，弗知冉阝亨个家门，原来是好人家脚气，弗是个样打弗穿个脚跟，厅堂才是平洋洋个砖地，房里又是光滑滑个地平，我指望搭渠一夫一妇，得知先有子四个冤魂，陈桥阿妈见子我一歇上头笃嘴笃脸，荡口娘娘见子我努眼凸睛，西山头姨姨看见子我乡谈弗绝，六葱姐见子我市语连声，一个说我浆丢头个迟货，一个说我还复个弗是真身，一个说我客料比弗得松江个有趣，一个说我一出货到弗得南京轿夫营个绝精，我受子介番批点，气子一个黄昏，且耐过子今夜，看大官人明朝冉阝捉我看承，巴得大天白亮，只听得<门平>々响介敲门，再是三兄四弟拉我里官人去游春，听听我里个说道要带我同走，慌忙随子渠子起身，到处游山玩景，弗会离个脚跟，我只道一生之事，匡弗大长情，弗管天晴雨落，捉我乱步乱奔，兼之黄昏早晚，丢丢丢丢弄得我溥嘴溥面蹭跟，旧时捉我做出人前卖俏个妆扮，冉阝间捉我做个通房拖脚看成，冷清清踏板上好一分无兴，耍来头现在渠搭四个冤魂个眼睛，我吃忍气弗过，唱只曲子来你听听，（驻云飞）我是绸绢通身，举步生风前後云，里外多帮衬，行动都齐整，茶，只为足下欠真诚，脚斜不正，弄得我头绽跟穿龌龊无乾净，如今个弃旧怜新恼杀人，骂你胡行老脚跟，（白）郎君听得子个只曲子，床上一个番身，会，你正弗说家自弗是，到骂我弃旧怜新，你当初精精致致，冉阝间乌卓泥经，当初光头滑面，冉阝间毛头精形，且没说你多呵弗好，就是你唱个只曲子阿一介难听，你冉阝弗学六葱介省事，西山介俭纯，冉阝弗学荡口介细腻，陈桥介老成，你既是冤家三扌赖四，还你介个整旧如新，只见明朝叫住子介个镇江皮匠，打子四个个子两个硬跟，拿我准来渠子，挑子我了行程，一拎拎我在箩头里子，我思量个一出去也无造化做个娘子夫人，跟子皮匠鞋是肩挑步担，一夫一妇死也甘心，细皮兰切将就过子日子，只要匾担同心，得知个个臭贼囤子里贩卖，原来介出整旧如新，热汤捉我洗洗，也是个道理，冷水没头介一淋，石块能介个宜头，对子我肚里一塞，硬板刷擦得我性命难存，连锤再锤锤得我介要紧，只苦得三尺麻绳，反匠听得子我说又道是我怨命，倒转子宜头一连七八击打得我消魂（歌）奉劝姐儿没要自道是脚力大，就是拖脚蒲鞋还胜子左嫁人。 吴语再财醮曰左嫁人，左，俗音际 ○镬子 姐儿生来镬子能，一生口厂也无心，吃个木头能介个家公差配子我，整日教我闷闷昏昏气杀子人，（白）气杀人，气杀人，也无早起无黄昏，压紧子我，弗放番身，有时拿我动火，热炊炊炊也再有趣，杀子火，依先教我冷冷清清，大鱼大肉拖来便油脂膈腻介是我周捉，我何会下口介一星，喇达了头个跗龌龊也倒耐子，馊酸个阿婆辞劳一发难听，过日子你搭多烧子介一把了烧子个饭滞，倒说我馋痨了要吃，前月个做分子烧难为子柴火，咦道是我蛮皮了弗替你搭当心，我里阿公道是费柴费火了略拿个灰钯来动得介一动，你搭合家门一歇上底就彳彳亍亍吓出子我精魂拿使我掇出子门槛，推倒在庭心，拿个热铁铲来起子我介七八个耳光，刮镬钯来打子我十数击背心，钹我搭转来兜嘴介两撞，又弗容我汪气汪声，我便火闸闸子介一昼，就是一杓冷水捉我浑身介一淋，我吃子更介铲刮修削，教我冉阝亨存身，我思量整日在厨房下转过子个日脚，何会见个光景，踏尽子灶前灰了冉阝得有个超升，我那间吃气弗过，生子介个肚漏，身体热了又烧破子嘴唇，补药吃来无用，看看性命难存，屈来灶君菩萨，嗄到子介个田地，还弗容我安宁，过子年三十夜，拿到圆炉上当个火盆，咦要我支持拜节个茶汤茶水，咦要我照管个男儿大细个点心，一到子正月半，你搭受子个零碎银子，咦要来我身上煎介个煎饼，你搭自弗小心，吃个白日撞偷子物事，你再去请子个天地，扎子个草人，{山米}子个黄豆，也来打个奴身，打得百践粉碎，折开子我个盖老，卖来别人，换子一个汤罐，倒找子渠银子三分，上子野蛮子个担上，一挑挑出子阊门，（黄莺儿）挑出冉阝阊门，上新桥望北行，冶坊浜里家居近，姓王近村，三代有名，家中大小多得甚，细详论，指望一夫一妇，原来靠此做营生，（歌）安我来粪箕里一丢丢子我来炉里去，依先入子个火坑门。 ○烧香娘娘 春二三月暖洋洋，姐儿打扮去烧香，（白）乡下人一味老实，城里人十分介轻狂，屋里精无一塌，硬三蛮极要行，便去央求对门知心妈妈，又央求隔壁着意个娘娘，请你来再无别事，有一句知心话替你商量，我从小许子穹窿山香愿，至今还弗会去了偿，昨夜头偶然得介一梦，三茆菩萨派我灾殃，冉阝间我要还还个心愿，百无一有难行，头上少介两件首饰，身上要介几件衣裳，家公便道娘呀，目下无柴少米，做生意咦介无赚处个孔方，春季屋钱要紧，米钱又无亻奢抵当，烧香虽则是个好事，算来要费介二钱个放光，姐儿听得子个句说话，心火爆出子个太阳，天灾神祸骂子几句，乌龟亡八也骂子千万百声，抬儿凳只听得霹雳拍拉，碗定盏壶瓶流水倾匡，（猫儿坠）天灾神祸，打你大巴掌，谁许你胡言乱主张，我今立意要烧香，无状，再开言，教你满身青胖，（白）姐儿凶似老虎，家公奔似山獐，吓倒子对门个妈妈，踏痛子隔壁个娘娘，两人百般介解劝，听我说个衷肠，玉帝也弗离个金殿，闺女也弗出个绣房，官人也是做人家个说话，并无半句派赖个肚肠，（桂枝香）听奴说诉，非奴之过，只因亡八无知，致使我心中发怒，把从前细数，从前细数，与他多年夫妇，几见他撑持门户，尽亏奴，若不去还香愿，非为女丈夫，（白）姐道娘娘呀，无奈何，头上嵌珠子天鹅绒云髻，要借介一个，芙蓉锦绫子包头借介一方，兰花头玉簪要借一只，丁香环子借介一双，徐管家娘子有一个金镶玉观音押鬓，陈卖肉新妇有两只摘金桃个凤凰，张大姐有个涂金蝴蝶，李三阿妈借子点翠个螳螂，四个铜钱替我卖条红头绳扎子个螺蛳，饶星鹿角菜来刷刷个鬓傍，讨一圆香圆肥皂打打身上，拆拽介两根安息香熏熏个衣裳，头上便是介个光景，身上冉阝亨商量，借介件绵绸衫桃红夹袄来衬里，外头个单衫，弗拘荸桃青或是柳黄，花绸连裙洒线披风各要一件，白地青镶靴头鞋对脚膝裤各要一双，再借一付洗白脚带，一发称副子个衣裳，两人听得吃生能介一笑，弗匡你介忒要风光，（驻云飞）上告娘行，借物虽多尽净妨，感你多情况，教我难推让，茶首饰共衣裳，管教停当，事事俱完，免挂心儿上，明日安心去进香，（白）姐儿道个档也算来是个小事，我先脱个小衣裳洗洗浆浆，打发两人转背，就央个姑妈外甥，收捉铜杓注子两件，同两领补打个衣裳，替我拿来典当里去当当，买停当子纸马牙香，蜡烛要介两对，还要介一块千张，{山米}子三升白米，明朝煮饭，一箍松箍今夜烧子个浴汤，兑介钱半八成银子，还个船轿，换介三十新铸铜钱，我打发个叫化个婆娘，色样一齐完备，明朝打点早行，（懒画眉）娇娘早起拂装台，炭画蛾眉粉弹腮，只愁装不就好身材，画情把衣筛来穿戴，且喜得人爱肯借来，（白）梳装打扮完备，摇摇摆摆下子船舱，船家嘴里也再弗说，肚里千思百量，若能替渠歇介一夜，再贴渠介五钱个放光，（皂罗袍）好个风流气象，看不肥不瘦，不短不长，端端正正坐船舱，时兴衣服乔装扮，粉香脂气，分明是麝兰，娇音细语，分明是凤凰，只听得唤一声家长，使我魂飘荡，（白）船一摇摇到木渎，轿夫斗夺来担，姐道众人也弗要皂，听我说介个主张，轿钱还你一钱银子，依我处处要行，先到穹窿山还子香愿，後到玄墓山看看假山轻堂，转来要到天池看看石殿，再到一云徐家坟上张张，还要看金山寺里坐关个和尚，天平山看看范文正公个祠堂，前头老实个轿夫道我也无个样气力，後头闪出两个轩腊个後生，便道轿钱也弗敢多要，路上便要吃介两遭个酒浆，等我抬你满山兜，便奉承你星气力，你也弗要慌忙，姐儿坐子轿子装模做样，引动了多少个後生，有个道是出乡个观音菩萨，有个道是抄化个陈州娘娘，（香柳娘）这抬来女娘，这抬来女娘，身材停当，乡村冉阝得神仙降，怎禁他这巧妆，怎当他这俏妆，只少个小红娘，莺莺无两档，看蜂喧蝶嚷，看蜂喧蝶嚷，到处生香，令人妄想，（白）看看日头落子，姐儿肚里又介心慌，夜晚头边有星走失，借别人介多呵物事，教我拿亻奢陪偿，慌忙赶到屋里，撞着子多呵个婶娘，说弗尽路上个景致，话弗了山上个风光，只听得大门呀生能介一响，再是讨衣裳个阿妈娘娘，慌忙头上除下子首节，身上卸落子衣裳，两人抬头一看，满身剥得精光，（歌）方才金光参殿，像个常熟山上新装塑个尊观音佛，冉阝间破珠ソ撒，好像个盘门路里并乌龟算命星臭婆娘。 ○破踪帽歌 有介一只山歌唱你侬听，新翻胜打扮弄聪明，（白）也弗唱蒲鞋毡袜，也弗唱直掇海青，也弗唱绢裙绫，也弗唱香袋汗巾，单题唱个头上帽子，历代几样翻新，旧时作尖顶长号，後来改子平顶鼓墩，咦有缨子朗锁密结瓦棱，惟有小张官人头上帽子戴又戴得个停当，盔又盔得介娉婷，光油油露出子杭州丫髻，亮晃晃插起重庆金簪，後头抻出子双螭虎圈子，前头推起子九针子网巾，帽子带得介长远，年深月久成精，忽朝一日头上说话，叫声小张官人，我一跟跟你两三巡黄册，你一戴戴我二三十个清明，春秋四季并弗会盔顶丝罗帽，寒冬腊月并弗会盔顶绒帽毡巾，总成你相交子多少姹童窠子，陪伴子若干蓝生举人，看子多少提偶扮戏游湖踏青，唱船里人中显贵，酒楼上闹里夺尊，捉个猪胆去油，教我受子多少淹赞苦恼，捉个百药箭上色，教我吃子多少乌皂泥筋，板刷常常相会，引线弗会离身，一日子修理得介停当，戴出子阊门，月城里遇着子朋友说话，聚集子东西来往无数个闲人，看呆子山东贩踪侉子，立痴子江西贩帽子个客人，江西老乡谈弗绝，苏州歇後语边声，十字街蟒龙玉乌纱冠石皮得介测癞，老弗识波罗生荔枝圆重夕得介忒村，日头照子好像走差次身头上草帽，雨落湿子好像压匾介一个老人头巾，捻求手里好像拳紧介一只偷瓜蝎，落来地上好像矗起来介一只刺毛莺，修踪帽见子一吓，洗网巾吃子一惊，破靴羊毛换铜钱缉三问四，卖花换眢豆弗会离门，小张听得几句言语，吓得冷汗直淋，立来无人烟所在，探下来看介一看，真当弗像，只得去贴旧换新，欲要黄帽铺里去讲讲，咦弗好戴子进渠大门，思量无些摆布，只得冉阝借子一顶麻布头巾，绉漫漫好像看坟个董水，软搭搭好像丁忧个洞宝，遇着子承天寺里个和尚，定请渠领丧，入木，撞见子玄妙观里道士，定道请渠退煞，念经，乡邻赶趁子分子，朋友怕阙子人情，小张道个是我里踪兄便服，弗消得到列位介费心，无些意思介一日，只得走转家门，家婆道你出去子介一日，阿会干子帽子个正经，咳，家婆，弗要话起，走肿子个脚底，擢痛子个背心，饿过子个肚里，看花子个眼睛，帽铺家家走到，价钱个个弗等，只得反渠转来假充一个朗锁戴戴，到下桥行市再寻，弹忒子龌龊吹忒子个灰尘上子盔头盔介一盔，屈刚盔子三五六星，小张挞胸跌脚，说道弗匡你介一个收成，家婆道你也弗要大惊小怪，还干若干正经，大块头儿改变凉鞋着着，斜块头儿改子外公头一束包巾，帽沿拿来做个扎额，我里夏天恍恍，碎块头儿做子一顶细密网巾，鬃头鬃脑做个刷牙来刷刷，零零碎碎做个香袋薰薰，帽子道我前世作尽子扯孽，你公婆两个摆布得我介尽情，小张道踪兄大哥，帽子大人，你侬弗要出言吐气，我侬唱介一只曲子你听听，（驻云飞）帽样新鲜不复完，今剩缺连，一向承装观，今日堪埋怨，茶戴你不多年，帽子道尽勾你哉，如何稀烂，想是当初，修旧将咱骗，为你冤家费我钱，（白）帽子道鼓弗打弗响，钟弗撞弗呜，别人戴子风里坐，你戴子我雪里奔，凭你改长改短，我也无怒无嗔，捉我改子外公头上束发包巾，我也感承你顶戴，捉我改子你家婆头上扎额，我也当得奉承，（歌）捉我改子刷牙正要擢你臭贼个张嘴，捉我改子凉鞋正要打碎你个老脚跟。 游翰琐言尚有破毡袜歌，无味，故不录 ○山人 说山人，话山人，说着山人笑杀人（白）身穿着僧弗僧俗弗俗个沿落广袖，头带子方弗方圆弗圆个进士唐巾，弗肯闭门家里坐，肆多多在土地堂里去安身，土地菩萨看见子，连忙起身便来迎，土地道呸，出来，我只道是同僚下降，元来到是你个些光斯欣，咦弗知是文职武职，咦弗知是蓝生举人，咦弗知是粮长升级，咦弗知是从书老人，咦夷来里作揖画卯，咦弗来里放告投文，耍了闹哄哄介挨肩了擦背，急逗逗介作揖了平身，轿夫个个侪做子朋友，卓隶个个侪扳子至亲，带累我土地也弗得安静，无早无晚介打户敲门，我弗知你为亻奢个事干，仔细替我说个元因，山人上前齐齐作揖，告诉我里的的亲亲个土地尊神，我哩个些人，道假咦弗假，道真咦弗真，做诗咦弗会嘲风作月，写字咦会带草连真，只因为生意淡薄，无奈何进子法门，做买卖咦吃个本钱缺少，要教书咦吃个学堂难寻，要算命咦弗晓得个五行生克，要行医咦弗明白个六脉浮苛，天生子软冻冻介一个担轻弗得步重弗得个肩膊，又生个有劳劳介一张说人话人自害自身个嘴唇，算尽子个三十六策，只得投靠子个有名目个山人，陪子多少个蹲身小坐，吃子我哩几呵煮酒馄炖，方才通得一个名姓，领我见得个大大人，虽然弗指望扬名四海，且乐得荣耀一身，吓落子几呵亲眷，耸动子多少乡邻，因此上也要参参见佛，弗是我哩无事入公门，土地听得个班说话，就连声骂道个些窍说个猢狲，你也忒杀胆，大，你也忒杀恶心，廉耻咦介扫地，钻刺咦介通神，我见你一进一，出袖子里常有手本，一个上一个落，口里常说个人情，也有时节诈别人酒食，也有时节骗子白金，硬子嘴了了说道恤孤了仗义，曲子肚肠了说表道兄了舍亲，做子几呵腰头彳悉擦，难道只要闹热个门庭，你个样瞒心昧已，冉阝瞒得灶界六神，若还弗信，待我唱只驻云飞来你听听，（驻云飞）笑杀山人，终日忙忙着处跟，头戴无些止，全靠虚帮衬，杀口里滴溜清，心肠墨锭，八句歪诗，尝搭公文进，今日胥门接某大人，明日阊门送某大人，（白）山人听子，冷汗淋身，便道土地，忒杀显灵，大家向前讨介一卦，看道阿能勾到底太平，先前得子一个圣笤，以後再打子两个翻身，土地说道在前还有青龙上卦，去後只怕白虎缠身，你也弗有消求神请佛，你也弗消得去告斗详星，也弗消得念三官宝诰，也弗消得念救苦真经，（歌）我只劝你得放手时须放手，得饶人处且饶人。 此歌为让诮山人管闲事而作，故末有放手饶人之句，或云张迫起先生作，非也，盖旧有此歌，而伯起复润色之耳。 ○鱼船妇打生人相骂 网船上婆娘童子打生个人，一场相骂闹淫淫，你一声来我一白，也弗输来也弗赢，（白）也弗赢，忒好听，只见个个婆娘参起来叫四邻，便骂道你个丢丢响个乌蝇弗要走子去，也搭你搂一个六江水也浑，论起行户中间来我搭你芦上芦下，称起骨头来称八两我半斤，看得别人便是头娘娘能介一点，自家便癞虼巴并进子天平，别人道是善善善，倒是鳅篮里拣出来个一张嘴，呵呵呵再是个旱渴精，突出子个双田螺头个眼睛，久惯要是介了甲戟诈。开子张鲇鱼剌达嘴，只要吃别人星，没得又弗吃你一网兜子，终弗然撑开子船头弗成，得知老娘是个突鲫个相骂嘴，阿呀呀，气得我个肚皮再像子清明前个河豚，我弗像你搭吊带皮个妹子能介弗收管个两脚蚌，也弗像你当黄尝嘴家婆能介{鼻邕}臭鳝能，当面前吃别人骂绝子个团鱼鳖背，背後吃别人挖尽子螺蛳窟臀，你个样正叫子田鸡乾，骨里臭，也要伸出子乌龟头做耍人，打生个气得肚膨气胀，便骂道你个个鹆录鸱个讨人，一张嘴尝是鸦飞鹊乱，久惯是牛皮乌斤，面皮便野鸡斑起，白票手个双眼睛，连番要做个火老鸦，人人叫你是个白鹞鹰屎你也弗曾经我介一弹，弗怕你飞上了青云，等我送得你鹊庭直出，眼见得你搭家公寒章鸡能，我弗怕你搭一窠罗个十姊妹，也弗怕你搭鹞鹰头鹘子眼个星小贼精，你再怪鸟能介捉人冲撞，笑你斑鸠教鹁鸪弗看自个绒形，凭你连夜磨尖子鸭嘴，里思量天鹅肉来吃星，别人家个婆娘穷做穷乾啾啾缩在窠里，并弗会饣舌臀鸟能介着处奔奔，又弗是你撒食养来搭个，冉阝了要你鸟说胚介撒村，等我夹子个张毛鹁鸪看介，你个档雌鸡啼只做个人家弗成，两个相骂子介一画，聚集子两边两岸无数个闲人，指头大个碎囝儿尽夹箝蟹夹，好像野鸭阵飞子介一村，有介一个白头老者喝住子两人，说道弗跳水弗动，见子冤便放个鹰，李家个阿姊你个样参鱼头性格里去使，张家第三个你个个痴鹅头式煞认真，各有道路，各有做人，尽弗消得老鹤跌倒，只捉嘴来撑，冉阝了是介水面上使铁搭摊浪得介尽情，四边田里野鸭落，你也弗去支网，东边港里鱼扶头，你也弗去赶青，又弗是争田夺地，天呀，只问你相骂有耍好听，依我劝开子罢，能我老人家是一派正经，（歌）并弗是羹碗里鱼头拨拨转，支花野味赵谈春。 昔年有赵谈春者，善诙谐，吴语谓没正经日赵，因日赵谈春云。 ●山歌卷十（桐城时与歌） ○秋迁（以下五句） 姐在架上打秋迁，郎在地下把丝牵，姐把脚儿高翘起，待郎双手送近前，牵引魂灵飞上天。