山歌 - 第 5 页/共 8 页

结识私情没要结识暴后生。渠好似新出螃蟹无肚肠。新造庙堂团团里介画。清明插柳遍传扬。 　　（卷四私情四句） 　　［亲老婆］ 　　天上星多月弗多。雪白样雄鸡当弗得个鹅。煮粥煮饭还是自家田里个米。有病还须亲老婆。忽然道学。还是无病的日子多。 　　［和尚］ 　　天上星多月弗多。和尚在门前唱山歌。道人问道师父那了能快活。我受子头发讨家婆。讨了家婆反未必快活。这和尚还是门外汉。 　　［月子湾湾］ 　　月子湾湾照九州。几家欢乐几家愁。几家夫妇同罗帐。几家飘散在他州。一秀才岁考三等。其仆作歌嘲之云。月子弯弯照九州。几家欢乐几家愁。几家赏子红缎子。几家打得血流流。只有我里官人考得好。也无欢乐也无愁。 　　［乡下人］ 　　乡下人弗识枷里人。忽然看见只捉舌头伸。咦弗知头硬了钻穿子个板。咦弗知板里天生个样人。莫道乡下人定愚。有极聪明处。余犹记丙申年间。一乡人棹小船放歌而回。暮夜误踯某节推舟。节推日。汝能即事作歌当释汝。乡人放声歌日。天昏日落黑湫湫。小船头砰子大船头。小人是乡下麦嘴弗知世事了撞子个样无头祸。求个青天爷爷千万没落子我个头。节推大喜。更以壶酒劳遣之。 　　［筛油］ 　　姐儿打扮忒清奇。再吃乡下个筛油蛮子讨子小便宜。说道娘子。你嫌我筛得弗爽利时要便再滴子丢去。只没要动手动脚累得滑泥泥。 　　［硛逼姐儿］ 　　（缺两字）匠人做子床。（缺两字）姐儿嫁子郎。折子床傍打地铺。穿子地皮见阎王。见阎王三字。大可玩。昔人云。妇人是阎王皂隶。姹童是阎王催批。正此意。〔（缺两字）囝儿〕（缺两字）囝儿轮t［o行。娼个见子气膨膨。虽然弗是大买卖。再吃个星小猢狲介一枪。 　　［姹童］ 　　献姹个学生新做子亲。搿子新人就要干窟臀。姐儿仔细思量两件东西侪是郎君个。便得渠留前支后耍正经。张伯起先生有所欢。既婚而瘦。赠以歌云。个样新郎忒熬矬。看看在上肉无多。思量家公真难做。弗如依旧做家婆。俊绝。一时诵之。 　　［又］ 　　东南风起白迷迷。那哩献姹个家公瞒过子妻。世界翻腾人改变。婆娘家倒要做乌龟。 　　［风臀］ 　　三十年个花树老了叉。三十年个冬春一把查。三十年个家生也用弗得。那了三十岁个风臀还。有好男者。谓三十岁其味始全。见此歌必曰谤臀矣。 　　［丑妇］ 　　百草开花趁子春里个天。丑婆娘也要靠在大门前。六月里圆炉弗动火。酱缸淡子惹增盐。 　　［麻］ 　　隔河看见子一团花。走到门前满面麻。若要隔河听渠做点私情事。世间那得更个长鸡巴。十麻九俏。这想是第十个麻子。 　　［胡子］ 　　十个胡子九个骚。十个婆娘九个妖。婆娘了再学子胡子个样。膀哈喇哩也有一团毛。 　　［孝］ 　　姐儿生性怕穿红。见子介个孤孀娘子打扮得忒玲珑。常言道若要俏时添重孝。嘿嘿里心头咒老公。 　　［大人家阿姐］ 　　大街上行人弗怕个牛。大场里赌客弗怕个头。大县里差人弗怕个打。大人家阿姐弗怕羞。 　　［又］ 　　讨个姐儿没讨个小人家个秧。宁可增钱大人家强。小人家一味薤糟无出息。大人家博学有商量。 　　［大人家阿嫂］ 　　大人家阿嫂跟轿来。翠蓝裙青袄一个好身材。花花轿里个娘娘弗比得跟轿个好。到弗如让个轿人拔来阿嫂抬。 　　［嫖］ 　　有子吹笙咦要箫。有子船行咦要桥。有子鱼吃咦要肉。那得有子家婆弗要嫖。 　　［瘦妓〕 　　嫖小娘子没嫖个胖婆娘，宁可增钱瘦个强。你弗见肥猪肉吃子一星两星便觉油烟气，骨炙儿牙得里头香。 　　［壮妓〕 　　嫖小娘子没嫖个活骷髅，宁可增钱把壮个收。六月里着肉窨丢丢介再有趣，冬天一身褥子软柔柔。 　　［大脚妓〕 　　嫖小娘莫拣大脚个嫖，渠个脚力忒大那相交。就是送个物事来渠也难理会，一双鞋面还要贴换两三遭。 　　［又〕 　　嫖小娘须拣大脚个嫖，行来爽宕又风骚。冬天软柔柔腿上能着肉，夏天蒲扇两肩摇。 　　［拣孤老］ 　　荐本上升官弗认个真。黄册上派差弗审个贫。市学里先生弗拣学生子。了小娘倒要拣客人。 　　［八十婆婆］ 　　八十婆婆要嫁人。寻头讨脑骂乡邻。脚跟里水窠老皮里介痒。多年裙带再是老妖精。 　　［骗］ 　　姐儿骗我进房门。忽地里盖老归来教我那脱身。郎道姐儿呀。一铁搭出子十七八个夜叉侪是地里鬼。四对半门神九片人。 　　［杀七夫］ 　　姐儿命硬嫁子七个夫。第七个看看咦要矬。听得算命先生讲道铜盆铁帚硬对子硬方无事。阿奴只恨家公软了无奈何。曾记哭七夫清江引云。张皮赵铁王打毡龚锡匠陆弓箭阿寿官 　　孙搭爷尽来吃羹饭。我的天天天天天天天。词亦趣。 　　〔小家公〕 　　一个鸭蛋弗哺两个雏。一个殿上弗挂两个钟。城门散了要帮铁。婆娘家咦有小家公。 　　［洗生姜〕 　　姐在河头洗生姜，洗生姜，有介个蟛蜞走来膀中行。姐道蟛蜞阿哥来作耍，蟛蜞道河干水浅要听蚌商量。 　　〔乌龟〕 　　栀子花开心里香。乌龟也要养婆娘。卖子馄饨买面吃。猪肝白肠亨生。 　　〔私情报〕 　　偷子私情转得自家个门。家婆再也来搭结私情。只舍得别人弗舍得自。男人家罗许你能欺心。 　　〔美妻〕 　　绝标致个家婆捉来弗直钱。再搭东夹壁个喇哒婆娘做一连。个样事务才是五百年前冤魂帐。舍子黄金抱绿砖。承恩不在貌。教妾若为容。世上一种大不平事。 　　［唱山歌〕 　　郎唱山歌响铃铃，北寺塔造起子两三层。南山和尚塔上打拳露出子个样真本事，下头人快活，难为子上头人。 　　〔又〕 　　千阿哥万阿哥，那了再来我里街前屋下唱山歌。唱的小阿奴奴千叶牡丹花心里悠悠拽拽介，好似绣花针拨动疥虫窠。 　　（卷五杂歌四句） 　　［风］ 　　情哥郎好像狂风吹到阿奴前。揭袄牵裙弗避介点嫌。姐道我郎呀。你道无影无踪个样事务看弗见捉弗着也防备别人听得子。我只是关紧子房门弗听你缠。 　　［又］ 　　结识私情好像风。只为你南北东西再来里惯撮空。姐道郎呀。你侬九十日春光弗会着子奴一日个肉。我只爱你来无形迹去无踪。 　　一云。结识私情好像风。娇滴滴个鲜花吃你采子红。姐道郎呀。我只道你飘扬心性吹得过。弗匡你一场云雨便成空。亦可。 　　［花］ 　　姐儿生来像花开。花心未动等春来。囫囵囵两瓣只消得一滴清香露。日里含羞夜里开。 　　［砚］ 　　砚台姐原是牢石人。吃个墨池里郎来污子我个身。拿介管乌弗三白弗四个笔来捉个小阿奴奴千万牖得我漕中水尽便休停。 　　［笔］ 　　姐儿青青白白像笔能。再搭个书房里伴结私情。恁你亲夫拘管得紧。管定子头来管弗得身。 　　［棋］ 　　收子象棋着围棋。姐道我郎呀。你着着双关教我那亨移。零了中间吃郎打子辘轳结。结来结去死还渠。 　　［又〕 　　收子围棋着象棋，石炮当头防两肋车。我只道你双马饮泉叉起子个羊角士，啰道你一卒钻心教我难动移。 　　［双陆〕 　　情哥好像双陆能，吃渠把住子们儿教我那亨奔。 　　姐道郎呀，我因为你个贪赢让你拿个中心来做实子，那你还多呵故迟跌打弗停身。 　　［骰子］ 　　结识私情像骰子，吃郎君灌铅着药弄得骨头轻。要快要缓只在奴心里，你弗要呼吆喝六惊动子外头人。　　［又〕 　　结识私情没像个骰子能，随人抛掷骨头轻。我当初只道你红红绿绿是介件赢钱货，啰得知你滚来滚去到是一个老妖精。 　　［投壶］ 　　结识私情像投壶。一箭两箭专在孔窍上做工夫。姐道郎呀。你没要过门不入来我面上做惯子个样缩手势。我听你斜插花强似以多为胜赌中壶。一云。姐儿生来爱投壶。也弗来输赢上底做工夫。当初只学得一个杨妃睡。那间又会子雁衔芦。 　　［球］ 　　结识私情像气球，一团和气两边丢。姐道郎呀。我只爱你知轻识重随高下。缘何跟人走滚弄虚头。 　　［毽踢］ 　　结识私情像个毽踢能。个个顽皮精脚脚来搭卖风情。姐道郎呀。我搭你刮起之时再无介脚野脚吃个星轻脚鬼来拾子去。冷天光也要吃你累得汗淋身。 　　［鹞子］ 　　情哥郎瘦骨凌层好像鹞子能。生来薄幅独取尔个点有风情。姐道郎呀。那你说子风情就要飞得起介去。我有介条软麻绳缠子了弗放你就番身。 　　［香筒］