杭州志 - 第 48 页/共 91 页

落了一月长晴雨， 　　棉花淋得苦悠悠。 　　六月太阳似火烧， 　　棉花晒得赤乌焦， 　　起了一个冷阵头， 　　花叶好比汤来浇。 　　七月棉花像人高， 　　人人都忌起风潮， 　　望天沙风勿要大， 　　初一月半买香烧。 　　八月棉花结铃头， 　　大妈阿婶剪花头， 　　剪到花头只只饱， 　　铃子生到脚跟头。 　　九月棉花像雪球， 　　大妈阿婶忙兜兜， 　　东邻西舍人人话， 　　今年棉花大丰收。 　　十月棉花白飘飘， 　　外地轮船只只到， 　　一共到了一百只， 　　船头装到船后艄。 　　十一月棉花上轧车， 　　半爿种子半爿花， 　　生丝钓子猛猛打， 　　生铁锭子摇细纱。 　　十二月棉花上布机， 　　织布姑娘笑嘻嘻， 　　一天要织三段布， 　　大男小女着新衣。 　　一年能种二季稻 　　自从盘古分天地， 　　有样事情蛮稀奇， 　　一年能种二季稻， 　　产量要比单季高。 　　我的年纪勿算小， 　　看见还是头一遭， 　　单季能改双季稻， 　　只有共产党能做到。 　　节气歌 　　立春梅花分外艳， 　　雨水红杏花开鲜。 　　惊蛰芦林闻雷报， 　　春分蝴蝶舞花前。 　　清明风筝放断线， 　　谷雨嫩茶翡翠连。 　　立夏桑籽像樱桃， 　　小满养蚕又种田。 　　芒种玉兰放庭前， 　　夏至稻花如白莲。 　　小暑风催早豆熟， 　　大暑池畔赏红莲。 　　立秋知了催人眠， 　　处暑葵花笑开颜。 　　白露燕归又来雁， 　　秋分丹桂香满园。 　　寒露菜苗田间绿， 　　霜降芦花飞满天。 　　立冬报喜献三瑞， 　　小雪鹅毛飞前檐。 　　大雪寒梅迎风开， 　　冬至瑞雪兆丰年。 　　小寒游子思乡归， 　　大寒岁末庆团圆。 　　姆妈我要吃豆豆 　　姆妈我要吃豆豆， 　　啥个豆?罗汉豆， 　　啥个罗?三斗箩， 　　啥个三?破雨伞， 　　啥个破?斧头破， 　　啥个斧?状元府， 　　啥个状?油车床， 　　啥个油?芝麻油， 　　啥个芝?白小猪， 　　啥个白?桕子白， 　　啥个桕?老娘舅， 　　啥个老?黄鼠狼， 　　啥个黄?鸭蛋黄， 　　啥个鸭?大水鸭， 　　啥个大?天空大， 　　啥个天?青青天， 　　啥个青?板板青， 　　啥个板?榫刀板， 　　啥个榫?檀树榫， 　　啥个檀，河水淡， 　　弹花老子生个囡。 　　摇啊摇 　　摇啊摇， 　　摇到阿婆桥。 　　阿婆桥上跌一跤， 　　拾只花花大元宝。 　　又要买米吃， 　　又要买柴烧。 　　买买米， 　　买的青谷米； 　　买买柴， 　　买的青竹梢； 　　买买鸡， 　　买只孵母鸡。 　　咯蛋!